Velkomin(n) í Sigtúnið

Smá pælingar...

Fri, 07 Dec 2007 23:03:05 GMT

Það hlaut bara að vera að teljarinn á þessari síðu væri vitlaus, hérna hanga enn þá inni um 200 heimsóknir á dag en á nýju síðunni eru þær bara um 50 á dag! En svona til öryggis þá er ég hætt að blogga á þessari síðu og farin að blogga á nýrri síðu þessari hér:

www.123.is/vilborgsmara/

Ný færsla í dag svo endilega kíkið.... Kveðja Vilborg

Flutningar!!!!!!!!!

Thu, 29 Nov 2007 21:15:45 GMT

Jæja ég/við er(um) flutt yfir á síðuna:

http://www.123.is/vilborgsmara/

Sjáumst þar!!!! Kveðja Vilborg

Blogg blogg blogg

Wed, 21 Nov 2007 17:06:19 GMT

Jæja ég lagaði loksins tenglana hérna til vinstri en einhverra furðulegra hluta vegna voru þeir dottnir út bara sí svona! Svo bætti ég inn nokkrum október-nóvember myndum aðallega fyrir hana Helenu mína! Þetta er ekki mín uppáhalds iðja því tölvugarmurinn er alveg að gefast upp á mér og getur bara hlaðið inn tveimur myndum í einu en svona í annað hvert skiptið finnst henni það of erfitt svo maður verður að gjöra svo vel að byrja aftur!!:evil: Það stendur nú til bóta svo vonandi fer ég að verða duglegri í myndunum!

Vikan síðasta var svipuð öðrum, nema hvað á miðvikudeginum hélt ég og æskulýðsnefndin bingó fyrir hestakrakka en þangað mættu hvorki fleiri né færri en rúmlega 50 krakkar, svo að líkum má láta að þar hafi verið stuð!;) Á laugardaginn eftir kirkjuskóla drifum við okkur að Ljónsstöðum þar sem var í gangi laufabrauðsgerð, skárum nokkrar en vorum svo þotin í bæinn, þ.e. bara við Elli þar sem við skildum krakkana eftir hjá Brynju. Við útréttum aðeins í bænum en svo var stefnan tekin á Broadway á Wham sýninguna með Friðriki Ómari og færeyingnum sem ég man ekki hvað heitir, enda fannst mér nú Friðrik eiga sjóvið!8) Þetta var sem sagt árshátíð Skaftárskála-fasta-staffsins og fengum við þetta flotta jólahlaðborð, glæsilega sýningu Wham og ball á eftir, ekki ónýtt það!:haha: Sunnudaginn höfum við svo bara dag krakkanna en þau fengu á alfarið að ráða hvað gert var í henni Reykjavík. Fyrir valinu var… fyrst að kíkja í Toys ‘r us svo í nýja Dýraríkið og auðvitað Just 4 kids þar við hliðina. Svo skelltum við okkur í bíó á músamyndina sem var mjög skemmtileg. Þetta var alveg frábær dagur og afslappaður þrátt fyrir búðarölt!;)

Í dag er ég hins vega skökk og skæld því ég vaknaði læst í hálsinum!:( Auðvitað þurfti það að gerast í dag og ég að fara að þjóna hópi á Ströndinni! Þar sem Pálmi okkar fékk frí núna næstu vikuna, varð ég bara að gjöra svo vel, bíta á jaxlinn og bryðja íbúfen og þjóna fólkinu með hausinn hallandi undir flatt! Veit svo sem ekki hvað fólkið hefur haldið um mig en mér er svossum sama þau fengu þó matinn sinn!;) Vona bara að ég verði orðin góð á morgun því ég get ekki hugsað mér að horfa á viðskiptavini Skálans lárétt allan morgundaginn!:P

Þangað til næst…kveðja Vilborg

Ps. Kíkið á myndirnar og verið nú dugleg að kvitta! Ég er allavega búin að taka mig verulega á í kvittinu og kvitta við allar færslur sem ég les!!:-P

Jább það er víst komið að bloggi

Tue, 13 Nov 2007 19:21:21 GMT

Það er svo langt síðan síðast að ég man bara ekki með nokkru móti hvað við höfum verið að baksa!;) Það er einhverra hluta vegna nóg að gera í hinu og þessu og auðvitað er maður of duglegur að taka að sér einhver auka verk í tíma og ótíma, ég held ég sé Superwoman!!!:whut: …Eða ekki!!:P

Við bútasaumararnir erum sko illilega dottnar í það, og erum búnar að sauma alla sunnudaga (þ.e. þessa tvo) síðan við fórum á námskeiði og aðeins er að bætast í hópinn hjá okkur, þetta er sko bara gaman og svo er náttúrulega bara plús að fá góðgæti í kaffinu og spjalla við skemmtilegustu konurnar í Vík og nágrenni!:haha:

Annars fórum við Elli á ÁTVR-gleði í bænum í síðustu viku, fengum gistingu á Park-Inn í tvær nætur voða kósý, en á meðan Elli minn rotnaði á fundi var ég í BÚÐUM!! Var samt ekki svo séð að versla jólagjafir en það var svona hitt og þetta sem vantaði orðið. Að kvöldi mánudagsins var svo veisla eftir allt fundarstandið á hótel Hilton og OMG hvað var raðað í okkur, ég hef aldrei áður setið svona rosalega veislu. Ég veit ekki alveg hvort ég á að vera að lýsa henni nánar, kannski ég byrji nú samt… Með 1. forrétti fengum við tvær hvítvínstegundir til að smakka hvor bragðaðist betur með þessum þremur fiskréttum sem þar var. Með 2. forrétti fengum við svo enn eitt hvítvínið til að smakka með þeim þremur réttum sem þar voru. Með Aðalréttinum, sem maður þurfti að fara tvær ferðir í til að smakka allt fengum við svo tvær tegundir af rauðvíni til að vita hvor væri betri, með fyrri eftirrétti sem voru ostar og ávextir fengum við svo enn eitt rauðvínið og með seinni eftirrétt sem var sjúkur fengum við líkjör og freyðivín! Það var sko eins gott að ég passaði mig bara að dreypa á, enda held ég að heilsan daginn eftir hefði ekki verið sú besta ef ég hefði smellt þessu öllu niður! Á meðan við röðuðum góðgætinu niður skemmti, Út og Suður Gísli okkur, og þræl góðir söngmenn með húmor í lagi!:haha: Við entumst nú samt ekki nema 5 tíma og skriðum inn á hótel í þægindin.

Virku dagarnir fljúga áfram hjá okkur svipaðir frá degi til dags, svo eru það helgarnar sem fara framhjá á leifturhraða! Þá eru fastri punktar kirkjuskólinn á laugardagsmorgnum og svo fjölskyldufjörið á sunnudagsmorgnum og það er sko vel passað upp á að það gleymist ekki enda er þetta rosalega gaman! Svo er nú yfirleitt svolítið mikið að snúast í kringum Skálann á þessum dögum, mikið um hópana og helgarferðalög.

Við vorum að koma af fjölskyldu skemmtun 1.-2. bekkjar sem var rosalega gaman, alveg auðséð hvað krökkunum finnst gaman að hafa foreldrana með sér á sínum stað þar sem athyglin snýr náttúrulega öll að þeim!;)

Jæja þetta er nú komið gott í bili, ég er reyndar að fara að halda bingókvöld á morgun á hótelinu fyrir hestakrakkana svo ef ykkur langar að gefa vinninga þá megið þið hafa samband!:haha:

Þangað til næst…kveðja Vilborg

Skýrsla dagana 22-31 okt. 2007

Tue, 30 Oct 2007 15:26:02 GMT

Jæja mér til mikillar gremju náðist á endanum í 40 kvitt!;) Og ég sem taldi mig vera sloppna með að blogga á næstunni!:P

Það er nú ekki frá miklu að segja þessa vikuna frekar en aðrar undanfarið, gæti útlistað hvernig hitt og þetta er að komast í gagnið hér í Skálanum en það væri nú heldur leiðinleg lesning. Flest gengur sinn vana gang, Guðmundur er duglegur í skólanum, stilltur og góður eins og mamma! OMG hvaða umsögn fæ ég um orkuboltann minn, hana Tinnu (sem btw. líkist pabba sínum!;)) þegar hún fer í skóla á næsta ári! Ég er nú dálítið hrædd um að það þurfi að halda heldur meira að henni lærdómnum en bróður hennar!;) Annars held ég að hún hafi bara stækkað í gær um svona tvö númer! Ég þurfti að bera hana inn í rúm og mér fannst ég sko ekki vera að halda á 5 ára barni!! Hún á ekki langt í land með að ná bróður sínum og gæti ég trúað að hún væri nú þegar orðin þyngri en hann því hún er svo grófgerð öll en hann svo mikil písl. Svo er hún að missa báðar neðri tennurnar í einu ekki hálfu ári seinna en Guðmundur!:haha: Á þriðjudaginn skrapp ég aðeins út að Suður-Fossi, hitti þar Hjördísi húsfreyju, Kolbrúnu og Höllu, svona rétt til að undirbúa helgina yfirvofandi, við afrekuðum að búa okkur til nafnspjöld sem voru skilyrði og vorum svo með misgáfulegar athugasemdir um bútasaum! Ég fór að safna mér hér og þar til verksins, fékk lánaða forláta “pro” bútasaumstösku með öllum græjum hjá Lindu og leit sko út fyrir að geta sigrað heiminn með hana á öxlinni!! (Töskuna sko ekki Lindu!!!!;)) Svo gerðist ég svo sniðug að ég bankaði uppá í næsta húsi hjá henni Áslaugu sem er náttúrlega algjör pró í bútasaumi og fékk þar slatta af efni og góða tilsögn, þannig að aðeins fróðari varð ég um bútasauminn þegar ég kom þaðan. Ég læddist svo reyndar líka á miðvikudaginn til hennar til að fá aðstoð við verkefni sem átti að skila á námskeiðinu. Á fimmtudaginn voru svo tónleikar á Ströndinni með Andreu Gylfa og c.o. það var góð mæting og frábærir tónleikar hjá þeim, Tinna og Guðmundur fengu að hlusta líka og fannst þetta mjög spennandi.:D Nú svo rann upp föstudagur, ég rétt skilaði af mér því sem þurfti í Skálanum en fátt annað komst að en helgin tilvonandi. Við Kolbrún lögðum svo í hann um miðjan dag, renndum á Selfoss og kíktum við í Bót, svo var haldið rakleiðis upp í Minni-Mástungu á hótel Freyju þar sem bútasaumsnámskeiðið var haldið. Hjördís og Halla voru svo skrefinu á eftir okkur og auðvitað litli prinsinn Björn Vignir sem kann sko lagið á saumakellingum!:haha: Við fengum þetta fína herbergi, alveg rosalega heimilislegt allt, skelltum okkur í mat og vorum svo sestar við saumavélarnar og náðumst ekki þaðan fyrr en um eitt leytið! Ég var svo hissa hvað mér fannst þetta æðislega skemmtilegt (hafði farið með dálitlum efa, enda ekki þekkt fyrir saumaskap af nokkru tagi!;)) Við fengum óvissu verkefni það kvöldið, vissum sem sagt ekki að hverju við vorum að vinna fyrr en við höfðum klárað það og í ljós kom hinn fínasti rauðvínspoki!8) Á laugardeginum fengum við svo að sjá aðal verkefnið sem var veggteppi 1 X 1,5 m rosalega fallegt, það var náttúrulega ekki fyrr búið að sýna okkur það en við skelltum okkur á kaf í málið. Við saumuðum allan laugardaginn fram að kvöldmat þegar við lyftum okkur örlítið upp, fórum í fínna tauið og héldum smá kvöldvöku. Á sunnudaginn var svo náttúrulega haldið áfram við verkið og náði ég að klára c.a 1/, svo er bara að vera dugleg á bútasaumsdögunum okkar!;) Aldrei að vita nema ég nái að klára á þessu ári.. það kemur í ljós. Ég get varla lýst því hvað helgin var frábær fyrir mér, þetta voru 25 kjéllingar á besta aldri upp úr og niðrúr. Og fyndið nokk að fyrsta konan sem við Kolbrún mættum var Magnea Magnúsdóttir (sem við máttum alls ekki kalla gamla handavinnukennarann okkar) en hún var sem sagt á námskeiðinu með okkur. Hressar konur og mikið fjör hjá okkur, afslöppun og skemmtun í leiðinni.Vá hvað ég verð að fara aftur á svona!;) Jæja þetta er nú orðin heil ritgerð svo þið sem komust í gegn ..til hamingju ... þangað til næst...kveðja Vilborg

Í tilefni dagsins....

Sun, 21 Oct 2007 14:39:12 GMT

Það sem þetta var frábær dagur fyrir ári síðan!:haha:

Nú skora ég á allt þetta fólk sem er að flakka um síðuna mína að kvitta fyrir sig ég á það nú skilið í dag!!;) ... það verður ekkert blogg fyrr en 40 komment eru komin!:P

Klukk.

Fri, 19 Oct 2007 20:19:17 GMT

Ég var víst klukkuð af minni ástkæru systur sem er reyndar ekki vinsæl fyrir vikið!!:klikk: Ætli ég verið ekki að svara þó ég hafi svarað svipuðu klukki fyrir u.þ.b. ári síðan, ég verð bara að finna upp á einhverju enn dulara um mig fyrir ykkur!;) Ég á að segja ykkur frá 8 atriðum sem ég er nokkuð viss um að fæstir viti um mig svo hér kemur það…

Það mætti kalla mig “mannafælu” því ég er mjög viðkvæm fyrir því að fólk stígi inn á “mitt svið” þ.e. fjarlægðina sem ég vil hafa á milli mín og annars fólks. Þar af leiðandi á ég til að þola bara alls ekki fólk sem stígur inn á mitt svið óboðið. Þið sem þekkið mig best þurfið ekki að hafa áhyggjur ég er örugglega búin að stýra ykkur flestum á réttan stað ómeðvitað, en ókunnugt fólk sem stendur alveg ofaní mér fær yfirleitt kaldar móttökur!:P
Ég er með tærnar frá pabba svo þær eru ekki mjög kvenlegar skal ég segja ykkur!:lol:
Alla jafna tek ég til heima hjá mér þrisvar á dag!! Það dugir samt ekki til þess að halda öllu í horfinu og ef ég dett í það að sleppa tiltekt í einn til tvo daga þá er í búðin á hvolfi!!! Mér þætti bara gaman að vita hvort fleiri eigi við þetta vandamál að stríða!!8|
Ég er myndavælukjói og gæti grenjað úr mér augun þegar eitthvað hendir börn í myndum sem ég gæti yfirfært á minn veruleika:cry:
Ég les nánast aldrei bækur, síðasta bók sem ég las var c.a í kringum 2000 þegar ég fór alltaf um helgar til Víkur og hafði fátt annað að gera en að lesa.;)
Ég er dagdraumamanneskja.:D
Ég er orðin háð tölvu og ef ég kemmst ekki í tölvu í tvo daga í röð finnst mér eitthvað vanta samt skoða ég ekkert á netinu nema blogg og hestasíður!!8| Reyndar er stór partur af því sá að ég fylgist með og framkvæmi greiðslu allra reikninga í gegnum heimabankann svo oft finnst mér eitthvað hafa gleymst ef ég kíki ekki nógu oft.
Mér finnst leiðinlegt að versla föt, nema ég komist í alveg sérstakt mood sem er þó ekki alltaf á lausu!:P

Hana þarna hafið þið það…alveg stórfurðuleg ekki satt!!?

En nú klukka ég Sigrúnu Dóru og Unnu og hlakka til að sjá eitthvað skelfilega vandræðalegt um þær!!:haha:

Ætli sé ekki rétt að láta fylgja smá skýrslu fyrst ég er byrjuð:

Það hefur nánast ekkert markvert gerst á síðustu viku, það er bara alltaf massa traffík og nóg að snúast í kringum skálana, við erum þó komin með nokkuð gott hald á batteríinu svo það er allt að detta í góða gírinn. Krakkarnir eru sæl og glöð alla daga og allt er jollý í sveitinni!:haha: Nú rennum við inn í óskipulagða helgi sem er ein af fáum á næstunni! Samt ætlum við náttúrulega í kirkjuskólann og fara svo á fjölskyldufjör í íþróttahúsinu sem Victor er svo sniðugur að standa fyrir. Svo eigum við Elli pappírs-brúðkaupsafmæli á sunnudaginn, flott steik reddí og svona væri bara fínt að fá þann eina sunnudag rólegan við eigum það nú alveg inni!;)

Svona nú gott í bili… þangað til næst…kveðja Vilborg

..hvað ég vildi að þessi blogg mundu uppfæra sig sjálf!!!;-P

Sun, 14 Oct 2007 20:45:04 GMT

Eins og mér finnst pirrandi að fara inn á síður þar sem dag eftir dag er sama bloggfærslan þá er það að gerast ansi oft á þessari síðu hjá mér upp á síðkastið!!! ….Bloggleti…. þar hafið þið það!!;)

Önnur vikan okkar í Víkurskála er liðin og við erum alltaf jafn bissý, eða þannig! Tíminn fer að mestu í ekki neitt hjá okkur, auðvitað þarf að skjótast á Klaustur líka og svo þarf að fara í bæinn til að redda hinum og þessum leyfum svo það tekur sinn toll af því að skipuleggja sig og ná hinni langþráðu rútínu!:$ Við höfum nú hann Pálma hjá okkur og ég veit ekki hvernig þetta væri án hans, hann er sko lykilmaður nr.1 í Víkurskála og svo eru nú þær Pólsku duglegar líka, allt damlar þetta!! Það virðist ekki vera neitt lát á ferðamanninum sem er jú gott fyrir okkur!!:haha: Það koma hópar alla daga 1, 2 eða 3 að minnsta kosti og bara fínt að gera. Þessi helgi var nú óvenju biluð þar sem landsmót skólalúðrasveita var haldið á Höfn og 500 krakkar fóru um svæðið til að renna á mótið, auðvitað er Víkurskáli miðpunkturinn og ég hefði viljað vera með myndavél á mér kl 17: 00 í dag þegar fólk tróð sér hreinlega um og var í biðröð út að goskælum eða eiginlega bara um allt. Það er svo fyndið hvað einn og einn maður getur verið afskaplega he#”$%#$” og flippað alveg “ Maður kemst bara ekki einu sinni um hérna!” ….Bíddu og hvað á ég að gera í því á ég að henda liðinu út!!!??? ….Eða á ég kannski bara að stækka við sjoppuna í einum grænum!!!?:P Alveg frábært hvað sumir geta verið æðislegir, að mestu var fólk nú samt mjög skilningsríkt og umburðarlynt!:D

En svo ég tali nú ekki bara um vinnuna sem er að verða líf okkar þá áttum við alveg hreint yndislegan gærdag í Pétursey með rjómanum af okkar bestu vinum! Dagurinn fór betur en bestu vonir stóðu til og sérstaklega Guðmundur naut sín í botn í hamaganginum!;) Hann var nú samt dálítið súr yfir því að Cherokeehræið hans pabba síns skyldi ekki haldast á hálfum snúning en var með varauppáhöld svo það var í góðu! Það reyndar fleytti honum ekki langt þar sem það sýndi sig best þarna það sem marg um er rætt að amerískt virkar ekki nema í höndunum á þeim sem í það hafa hæfileikana!;) Þá er sko amerískt laang best, svo sannaðist hið fornkveðna kemst þó hægt fari og það er sennilega ekki útaf neinu sem Togaogýta er svona algengur sem breyttur jeppi!8| Eftir mesta fjörið var svo enn meira fjör, grill og djamm í Pétursey sem var bara gaman.. enn og aftur, takk allir fyrir frábæra helgi!!!:haha:

Jæja þetta er gott í bili svo…. Þangað til næst…kveðja Vilborg

Það er stórmerkilegur dagur í dag

Wed, 03 Oct 2007 16:57:25 GMT

..þennan dag fyrir heilum 20 árum var ég, eins og sennilega nokkrum sinnum hefur verið minnst á, í 8 ára afmæli hjá henni Unnu vinkonu minni. Hún fæddist jú (sorrý Unna mín, búin að útvarpa því svo here it goes..)fyrir 28 árum þennan dag! Það væri ekki í frásögu færandi nema að því leiti að í miðri afmælisveislunni kemur Gunsa mamma hennar Sigrúnar og segir mér að ég verði að gjöra svo vel að koma mér í skó og alles, og fara beina leið heim og í bílinn með pabba á eftir sjúkrabílnum þar sem mamma var flutt í flýti á Selfoss til að eiga. Ég kvaddi ekki einu sinn og mér skilst að sá dónaskapur minn hafi staðið einhvern tíma í afmælisbarninu en er vonandi gleymt og grafið í dag;)

Um kvöldið fæddist svo Helena systir og mér fannst frábært að vera búin að fá svona litla systur LOKSINS! Það hins vegar var fljótt að brá af því þegar ég var farin að hafa það á tilfinningunni að vinkonur mínar væru komnar til að leika við mig bara til að horfa á litla “kvikindið” og mömmu að stússast með það fóru að renna á mig tvær grímur! Helena var eins og sumir mundu orða það athafnasamt/erilsamt barn og lét sko finna fyrir sér. Ég var ekki sú allra besta systir og átti það til að vera ansi mikið vond við litlu systur, hún má nú líka eiga það að hún lifði fyrir það að aðeins að ýta við mér því hún vissi vel hvaða viðbrögð hún fengi. Það var ansi oft styr á Víkurbrautinni og ekki lagaðist það þegar mín var komin á gelgjuna. Í dag hinsvegar og upp úr því að Helena sjálf komst yfir gelgjuna höfum við verið mjög samrýmdar og tel ég hana til einna af mínum bestu vinkonum í dag. Ótrúlegt nokk því enginn hefði getað logið því að mér fyrir 10 árum!

Áðan fékk ég svo símtal frá henni þar sem hún var að þakka fyrir afmælissendinguna, sem var reyndar heldur hugmyndasnauð; alíslenskt sælgæti, appelsín og peningar fyrir London high fashion flíkum. Það var gott að heyra í henni hljóðið en hún er búin að vera úti í rétt rúma viku rétt hjá Bristol í Englandi sem aupair fyrir vel setta fjölskyldu og verður alveg fram í maí á næsta ári! Ég er sko mikið að spá í að kíkja á hana í vetur og plön eru um feitt verslanaflipp!8)

Elsku Helena mín og Unna mín til hamingju með daginn ykkar í dag.:haha:

Af okkur er annars bara það að frétta að við troðum marvaða í djúpulauginni sem við skelltum okkur í á mánudaginn, þetta er þó ekkert stór mál svo ég er viss um að í næstu viku verðum við á laugarbakkanum að dingla fótunum ofan í vatninu!;) Jollý jollý en þó mikið um leikis til að rútínera. Krakkarnir eru mest ánægð með að pabbi verður meira heima við, enda á svæðinu en ekki á Klaustri. Það er þeim þó alveg óskiljanlegt að ekki sé hægt að fá nammi á hverjum degi þegar maður á sjoppu! Það var eiginlega bara miklu auðveldara að fá nammi þegar afi átti sjoppuna!:haha:

Jæja þetta er ágætt í bili.. er að hugsa um að freistast til að leggja mig smá til að reyna að ná úr mér þessum viðbjóði sem hefur heltekið mig, svo er það bara doktorinn á morgun til að heimta eitthvað til að drepa þetta í eitt skipti fyrir öll takk fyrir! … þangað til næst kveðja Vilborg

Er ekki rétt að láta vita af sér

Wed, 26 Sep 2007 10:32:43 GMT

..dugleg að ná tveimur bloggum á mánuði!?;) “Eníveis” ég er lasin í dag og nýti tímann vel, það þíðir ekkert að hanga upp á rúmi!:lol: Við hljótum að hafa gert slatta í september en það er nú bara svo að ég man ekki nokkurn hlut þessa stundina nema auðvitað eftir Danmerkur ferðinni okkar sem var alveg frábær!:haha:

Hér kemur þá ferðasagan:

Við flugum að morgni miðvikudags út til Köben. Við tókum lest niður í miðbæ sem tókst! Ótrúlegt en satt, og byrjuðum á að tékka okkur inn og skildum eftir allan farangur á þessu líka fína hóteli.:haha: Þá var stímið tekið á Ráðhústorgið og vafrað aðeins á Strikinu, auðvitað misstum við okkur alveg í H&M fyrir krakkana en það tók nú svo á skarann að við ákváðum að fara bara með allt góssið aftur á hótelið og chilla smá. Eftir smá hvíld var stímið tekið á Tívolíið sem maður verður auðvitað að hafa skoðað ef maður fer til Köben, við fórum þó bara í 3 tæki þar því það var jú stefnan að taka Lególand með trompi.:haha: Eftir Tívolíið römbuðum við á glæsilegasta veitingastað sem við Elli höfum borðað á, hann var svo flott mubblaður í mexíkó-texas stíl að það var hrein unun að sitja bara og horfa í kringum sig, maturinn var sko ekki af verri endanum heldur. Eftir matinn var stímið tekið beint á hótelið og ég held bara að allir hafi rotast áður en höfuðið náði koddanum!;)

Á fimmtudagsmorgninum, heldur seinna en reiknað var með, var svo tekinn strætó í dýragarðinn. Það var ekkert smá “upplivelsi” að sjá öll dýrin, gefa risa fíl að borða, sjá gíraffana, ísbirnina og öll þessi tignarlegu dýr, ég held að við höfum verið u.þ.b. 5 tíma að ráfa um garðinn!8) Eftir dýragarðinn ákváðum við að flækjast bara dálítið um en byrjuðum auðvitað á að fara í Amalien borg í heimsókn til drottningarinnar og sáum þar vaktaskipti varðmannanna. Á þeim tímapunkti voru allir orðnir svo yfir sig þreyttir að við húkkuðum okkur tveggja hæða strætó og rúntuðum stóran hring um Kaupmannahöfn á meðan litlu grísirnir hvíldu sig!:lol: Við enduðum á Strikinu kíktum “pínu” meira í búðir og fundum okkur svo þennan fína austurlenska veitingastað, snæddum þar og eyddum svo restinni af kvöldinu uppi á hóteli í rólegheitum að spila “algjört hitt” spil sem við fundum í einni leikfangabúðinni.:haha:

Á föstudagsmorgninum vöknuðum við líka seint svo við misstum af fyrstu lestinni til Billund, það gerði þó ekkert til, við tókum bara þá næstu. Það var rosalega gaman að sjá hálfa Danmörk á hraðferðinni, við tókum lestina til Vejle en þaðan tókum við rútu til Billund. Það er svo gaman að sjá öll þessi gömlu hús og smábæi á leiðinni, skrítið að mér fannst stundum eins og ég væri í Englandi þó svo ég hafi aldrei farið þangað, þetta var bara svo allt öðruvísi en maður hélt að það væri.;) Við tékkuðum okkur svo inn á hótelinu okkar og drifum okkur bara beinustu leið í Lególand. Það var ekki spennandi veður, heldur þungt yfir og góðar líkur á rigningu en við Íslendingarnir létum það sko ekki stoppa okkur enda höfum við garðinn nánast útaf fyrir okkur og komumst í hvert leiktækið á fætur öðru án þess að þurfa nokkursstaðar að standa í biðröð, það var frábært! Það voru sko allir í S-inu sínu þann daginn!:haha: Við borðuðum á hótelinu og notuðum restina af kvöldinu í spilið góða!;)

Á laugardagsmorgni var vaknað snemma, enda vitað að Lególandið beið okkar, það var þetta líka fallega veður glampandi sól og blíða og allt leit ljómandi út, nema hvað það fóru að renna tvær grímur á fólksfjöldafælnu Íslendingana þegar þeir sáu fólk í stríðum straumi renna og það bara í eina átt!!8| Auðvitað laugardagur, hvað gerir fólk annað í Billund og nágreni með börnin sín?! Biðin í tækin var ekki svo slæm fram yfir hádegi en svo var málið orðið þannig að við þurftum að bíða í 20 mínútur + og þar með var þolinmæðin öll, við skelltum okkur í þrívíddar bíóið sem var algjört æði, þar var hnerrað á mann og skvettist yfir mann vatn úr ám, þannig að maður kom þvalur út en skælbrosandi!:haha: Um fjögur leitið gáfumst við upp og tókum okkur bara labbitúr niður í miðbæ Billund. Þar var reyndar eins og hernaðar ástand væri skollið á, allar búðirnar voru lokaðar og ekki sást fólk á stangli, við vorum nú dálítið hissa því Billund er c.a. 5000 manna bær, það er meira að segja meira líf á Selfossi, það hljóta bara allir að hafa verið í Lególandi!8| Eftir miðbærjarferðina tókum við okkur svo taxa niður á flugvöll og flugum heim ansi þreytt en alveg alsæl öllsömul.:haha:

Þessir dagar núna snúast um fátt annað en komandi yfirtöku, við erum þó ótrúlega róleg yfir þessu enda höfum við breitt bak og erum full viss um að við náum að höndla þetta á endanum þó kannski einhverjir byrjunarörðuleikar eigi eftir að gera vart við sig, það kemur þá bara allt í ljós..

Jæja þetta er orðið ansi gott fyrir mánuðinn en ekki búast við bloggi a.m.k næstu tvær vikurnar;-) Reyni samt að vera dugleg.. svo þangað til næst … kveðja Vilborg

Ég er ekki dauð!!!...ennþá

Thu, 06 Sep 2007 22:30:10 GMT

..bloggandinn er bara ekki að koma yfir mig!:evil:

Af nógu er samt að taka þó ég fari ekki að dæla því hér inn í einni romsu. Nýr mánuður sagði einhver… jú það er víst rétt en í síðasta mánuði héldum við tvö rosalega vel heppnuð afmæli fyrir stóru börnin okkar. Svo fórum við svona afmælisferð í bæinn með þau helgina eftir þar sem við kíktum í bíó fengum helling af pökkum í famillíuteiti og svo reyndar stálumst við Elli “réttaðeins” upp í Úthlíð í Biskupstungum um kvöldið fram og til baka bara til að kíkja á skemmtilegu Selfyssingana okkar.

Nú svo þegar amman og frænkurnar komu heim frá Spáni komu enn fleiri pakkar og nánast fataskápur af fötum svo hér brosa allir hringinn yfir endalausum gjöfum hægri vinstri. En þetta var jú í síðasta mánuði, nú er kominn september og við höfum nú ekki mikið afrekað þessa vikuna, erum bara að velta yfirtöku fyrirtækjanna fyrir okkur fram og til baka og svo stendur nú hæst þessa stundina Danmerkurferð sem við ákváðum að skella okkur í bara sí svona.:D Það er núna eða aldrei, enda höfum við aldrei farið saman til útlanda öll þessi 11 ár (sem btw við fylltum 29. ágúst síðastliðinn):haha: Ég get svosem útvarpað því að 10 ára fór ég til Hollands og Elías fór fyrir c.a. 12 árum til Færeyja og það er sko öll okkar útrás! Tími til að bæta úr því. Ég er sem sagt búin að liggja yfir lestarleiðbeiningum og gistimöguleikum síðustu vikuna og er komin með ofnæmi fyrir internetflækjunni sem auðveldast er að hverfa í, ég er pottþétt á því að þetta verður góð ferð svona ef við hittum á lestarnar og í strætóana, annars verður þetta bara ævintýraferð og er það ekki bara skemmtilegra!?

Jæja allavega búin að láta vita af mér svo ég segi bara þangað til næst…kveðja Vilborg

Nei sko...

Mon, 20 Aug 2007 08:10:24 GMT

Ég er ekki alveg að standa mig hér á blogginu! Ágúst hefur flogið hraðar en allt sumarið! Ég er ekki búin að gera nokkurn skapaðan hlut t.d. í bókhaldi sem ég þarf að fara að dr... til að gera og svo hugsaði ég í byrjun mánaðar já afmælin þau eru ekki fyrr en 20.!!!! Og hvað, í dag er 20. ágúst!!!!! OMG ég held að geimverur hafi rænt mér! Nú, hvað er ég búin að vera að gera? Man ekki alveg, Verslunarmannahelgin var nú ekki beint spennandi hjá okkur því við sendum krakkana út og suður og unnum á Klaustri alla helgina!Fór reyndar í félagsferð Sindra helgina 10-12 ágúst og hún var frábær, fínasta veður yfirleitt, góðir gæðingar og góður félagsskapur. Núna um helgina fórum við krakkarnir austur til Ella að dútla í hinu og þessu. En í dag er stóri strákurinn minn orðinn 7 ára! Alveg hreint ótrúlegt hvað er langt síðan hann var kríli en samt svo óskaplega stutt! Við höldum upp á með heljarinnar partíi í kvöld og svo verður hún Tinna mín 5 ára á miðvikudaginn og þá er annað mega partíið! Svona nú gott í bili... þangað til næst.. kveðja Vilborg

Hver hefði getað trúað því?

Wed, 01 Aug 2007 22:30:54 GMT

..að ég myndi blogga réttri viku seinna! Þetta getur maður!;)

Allavega, ég ætla nú að fara að koma meiri reglu á skrifin hérna svona m.a. til að athuga hvort þessar c.a. 200 heimsóknir á dag séu óþolinmóðir vinir mínir sem kíkja 10 sinnum á dag til að sjá breytingu eða hvort það geti bara hugsast að fólk héðan og þaðan hafi áhuga á innantóma párinu mínu. Það er nú allavega aldrei lognmolla hér á bæ svo af nógu ætti nú að vera að taka!:haha:

Þetta hefur þó verið óvenju tíðinda lítill tími undanfarið, á föstudaginn ákvað ég í blíðunni að fara að venja Tinnu mína við hestana, ekki seinna vænna, og við, Tinna og Guðmundur skelltum okkur í reiðtúr út að Kötlugarði með nesti og tilheyrandi og úr varð hin mesta skemmtun. Guðmundur var þó ekki alveg sáttur við seinaganginn og á heimleiðinni emjaði Tinna bara, enda sárþjökuð af “sting í hjartanu”!:D Spurning um aðeins meiri tíma!8)

Við skelltum okkur svo austur á bóginn og áttum notalegan laugardag á Klaustri með Ella. Elli og krakkarnir fóru svo í fjörupartí í Reynisfjöru á laugardagskvöldið á meðan ég stóð vaktina hans Ella á Klaustri.

Tinna er orðin alveg svaka dugleg að hjóla, við vorum einmitt í hjólatúr áðan, þar sem hún var að æfa sig að hjóla hjálpardekkjalaust á stóra hjólinu sínu og það gekk bara ljómandi vel, fyrir utan einn og einn gangstéttakannt sem var ekki á réttum stað!:haha:

Svo eru það nú tíðindin sem eru nú sennilega orðin “old news” fyrir flestum, en bara svona til öryggis að allri viti að við eru gjörsamlega gengin af vitinu, þá erum við að fara að bæta á okkur 2 stk fyrirtækja 1. október næstkomandi. Þá eigum við og rekum samtals 4 fyrirtæki, 2 á Klaustri (auðvitað samt Systrakaffi ásamt Vigni og Kolbrúnu) og svo 2 í Vík svo það er bara eins og Elli orðaði það “Heimsyfirráð eða dauði!”;-) Guðmundur ætlar sem sagt að láta af störfum í Víkurskála og á Hótel Vík í haust og við ætlum okkur að taka við af honum. Þó þetta sé aðeins fyrr en við reiknuðum með er ekki annað en að bretta upp ermarnar en það verður líka best að fá Ella sinn heim aftur!:haha:

Jæja er þetta ekki nóg að melta í bili?

Þangað til næst...kveðja Vilborg

Jább...

Tue, 24 Jul 2007 08:53:27 GMT

..enn og aftur kominn tími á mann! Það eru nú nokkrar vikur síðan síðast og þar sem ég skarta gullfiskaminni þessa dagana get ég ekki með nokkru móti rifjað upp hvað við vorum að gera, man þó eftir því:

# að ég náði mér á endanum af kvefpestinni.

# að við fórum í Afmæli til Jósa.

# að við fórum til Reykjavíkur í flugulíki.

# að við fórum á Klaustur að cilla.:D

# að við Elli fórum í flotta hestaferð upp að Bólstað!:haha:

.... og svo var það náttúrulega þessi helgi sem stóð uppúr, sumarhátíð 4x4 sem 4x3 á flugi og utanvinirnir stóðu fyrir hér í Vík og gekk alveg eins og í sögu! Lóló og Íris Selfossgellur komu á miðvikudaginn, svona til að hafa allt undir “kontról” og ég var náttúrulega eins og mýfluga í kringum þær. Guðmundur og Tinna voru í skýjunum með að fá að spranga um tjaldstæðin að leika við Sindra Þór og Patton langt frameftir! Við skelltum okkur m.a. í sund og svo var skrafað fram á kvöld, það voru því þreytt en sæl börn sem lögðust á koddann sinn á kvöldin og þau vökknuðu sko ekki fyrr en rúmlega 11 og það hefur sko ekki komið fyrir á mínum bæ áður!8| Á föstudeginum fórum við gellurnar svo í smá reiðtúr, hrepptum þetta líka flotta veður svo áningin var alveg súper með bjór í annarri og súkkulaði í hinni. Svo var það bara undirbúningur fyrir hátíðina, m.a. í glasalyftingum og fleiru.8) Laugardagurinn fór vel af stað, byrjað var á monntkeppni kallanna, “minn teygir sig meira en þinn!”. Svo var farinn góður rúntur að Hjörleifshöfða þar sem Þórir Kjartans brilleraði sem leiðsögumaður en þar var svo grillað í þessar 170 hræður og haldið aftur á tjaldstæðið þar sem við tók jeppasýning. Ég held svo að það sé óhætt að segja að mesta stemmingin hafi myndast þegar vatnsfótboltinn byrjaði þar sem 4x3 á flugi skoraði á suðurlandsdeild 4x4, þvílíkt sem hægt var að hlægja að því! Um kvöldið var svo grillað saman, varðeldur og brekkusöngur og svo auðvitað almenn gleði eins og gengur og gerist!:lol: Það er marg umrætt hvað hátíðin tókst vel til svo bara tilhamingju meðlimir 4x3 á flugi og utanvinir fyrir að vera svona dugleg!;)

Jæja þetta er nú orðin ágætis færsla svo ég hugsa að þetta dugi í bili... þangað til næst..kveðja Vilborg.

Jæja er ekki rétt að láta vita af sér

Fri, 06 Jul 2007 12:37:54 GMT

Það gengur allt á spíttinu hér, hestamaraþonið er reyndar að mestu á enda og ég er farin að sjá fram á ögn “rólegri tíma” nema hvað auðvitað hefur ýmislegt setið á hakanum eins og bókhald og annað sem tekur því ekki að nefna.;)

Mikið rosalega er ég samt fegin að júní er búinn en hann var líka alveg rosalega skemmtilegur. Núna rétt fyrir hestamannamótið hélt ég æskulýðsmót og mættu á það 26 krakkar sem fengu leiðsögn til að keppa milli þess sem við lékum okkur, (daga og nætur!8|) Hápunkturinn var svo auðvitað hestamannamótið síðustu helgi sem var bara með því stöndugra á dágóðan tíma, þátttakan var afar góð og þá sérstaklega í polla og barnaflokki, og vilja margir meina að það sé æskulýðsstarfi að þakka!(MONNT):haha: Auðvitað hafði ég gott fólk í bakhöndinni sem kom til bjargar á síðustu stundum óbeðið, þið takið það til ykkar sem eigið það!;) Guðmundur keppti á Farða sínum og hrepptu þeir annað sætið í pollaflokknum, hann er auðvitað alsæll með það en kvartar sáran yfir að gullið vantar í safnið og líst ekki á að vera áskrifandi af 2 sætinu, mikill vill meira er það ekki alltaf þannig!?;) Tinna er sko líka búin að njóta sín í kringum þetta og fékk að taka þátt í æskulýðsmótinu með vinkonu sinni Sigríði Ingibjörgu en hún fékk sko að gista í tjaldvagninum hjá okkur og það var þetta líka mikla stuð!8) Björk fékk lánaðan Trausta hjá Hermanni (eða Siggu eiginlega) og það var sko allt annað að rita niður einkunnir fyrir hana núna en þegar hún var að slæpast á Erró mínum um brautina, gaman fyrir hana að vera loksins þátttakandi í þessu þó unglingarnir séu orðnir svo sterkir að það er erfitt að halda í við þá.8) Ég keppti svo líka á henni Ísold minni (Eee… hans Ella) og er svona þolanlega sátt við dómana en segi náttúrulega eins og sannur íþróttamaður; “hún hefur sko virkað miklu betur!” Stress? Alveg pottþétt, við komum sterkar inn að ári!:haha:

Allavega er ég núna að reyna að skríða saman því ég sótti mér einhverja pest á mánudaginn sem ætlar ekki að hunskast, bóndinn er því tilneyddur að hjúkra veikri eiginkonu sinni og er búinn að vera óvenju mikill Víkurbúi þessa vikuna.;) Krakkarnir eru annars búin að vera á leikjanámskeiði niðri í íþróttamiðstöð alla vikuna sem lýkur því miður í dag, rosalega hvað þau eru búin að vera sæl með námskeiðið.:haha:

Jæja ég held ég leggi mig smá núna enda var ræs kl 05:15 í fyrramálið þó ég sé ekkert að kvarta, og þó…;) Þangað til næst…kveðja Vilborg

P.s og veriði nú einu sinni dugleg, þessi á annað hundrað manns, sem kíkjir hér við á dag!